ताजा खबर

भोलिदेखि चितवन नारायणी महोत्सव

binitakandel32binitakandel32
Nov 21, 2023 - 11:55
 0  333
भोलिदेखि चितवन नारायणी महोत्सव

भरतपुर । नारायणी नदीकिनारमा भोलि बुधबारदेखि चितवन नारायणी महोत्सव सञ्चालन हुँदैछ । रिकभरिङ युनाइटेड प्रालि र औद्योगिक शान्ति नेपालको संयुक्त आयोजनामा मङ्सिर ६ गतेदेखि १६ गतेसम्म महोत्सव हुन लागेको हो ।

 महोत्सवको तयारी अन्तिम चरणमा पुगेको आयोजकले जानकारी दिएको छ । लागूऔषध तथा मद्यपान प्रयोगकर्ताहरुको निःशुल्क उपचार गर्ने उद्देश्य लिएर महोत्सव गर्न लागिएको रिकभरिङ युनाइटेड प्रालिका अध्यक्ष रविन श्रेष्ठले बताए ।

उनका अनुसार महोत्सव अवलोकनका लागि विद्यार्थीलाई ५० रूपैयाँ र अन्यलाई ७० रूपैयाँको टिकटको व्यवस्था गरिएको छ । महोत्सवमा २५० भन्दा बढी स्टलहरु रहने उनले बताए । उनका अनुसार सबै स्टल बुकिङ भइसकेका छन् । महोत्सवमा दैनिक ५ जनाभन्दा बढी राष्ट्रिय तथा स्थानीय कलाकारको प्रस्तुति रहने उनले जानकारी दिए । दैनिक पाँच हजार जनाले महोत्सव अवलोकन गर्ने आयोजकको अनुमान छ ।

 महोत्सव सम्पन्न गर्न ५७ लाख रूपैयाँ खर्च हुने अनुमान छ । रिकभरिङ युनाइटेडले हालसम्म एक हजार ५०० जना लागूऔषध प्रयोगकर्ताहरुको निःशुल्क उपचार गरिसकेको छ । औद्योगिक शान्ति नेपालका महासचिव शंकर गुरूङले महोत्सव अवधिभर ५० भन्दा बढी कलाकारले प्रस्तुति दिने बताए । त्यस्तै, महोत्सवमा अटोमोबाइल, कृषि तथा हस्तकला, खाना, फेन्सीलगायतको स्टल रहने छन् भने निःशुल्क स्वास्थ्य शिविर, नृत्य प्रतियोगिता, लागूऔषध दुव्र्यसनीविरूद्ध सचेतनामूलक कार्यक्रम र अन्तर्राष्ट्रियस्तरका बाल उद्यान रहने उनले जानकारी दिए ।

Tags:

Previous Article

निमोनियाबाट एक महिने शिशुको निधन

Next Article

‘भिपिएन प्रयोग गरेर टिकटक नचलाउनु, डाटा चोरी हुनसक्छ’: नेपाल प्रहरी

What's Your Reaction?

like

dislike

love

funny

angry

sad

wow

binitakandel32
binitakandel32

Related Posts

टालटुले तरिकाले अर्थतन्त्रको सुधार हुँदैनः प्रचण्ड

टालटुले तरिकाले अर्थतन्त्रको सुधार हुँदैनः प्रचण्ड

binitakandel32 Oct 12, 2023  0  7

सल्यानमा जीप दुर्घटना हुँदा सवारी धनी र चालकको मृत्यु

सल्यानमा जीप दुर्घटना हुँदा सवारी धनी र चालकको मृत्यु

binitakandel32 Sep 25, 2023  0  19

नेकपा एमाले बागमती प्रदेश अधिवेशन : आजदेखि निर्वाचन कार्यक्रम सुरु हुने

नेकपा एमाले बागमती प्रदेश अधिवेशन : आजदेखि निर्वाचन कार...

binitakandel32 Sep 27, 2023  0  11