स्वास्थ्य

शल्यक्रिया गरेर बच्चा जन्माउने महिलाहरुको सङ्ख्या बढ्यो

binitakandel32binitakandel32
Sep 4, 2023 - 22:11
 0  115
शल्यक्रिया गरेर बच्चा जन्माउने महिलाहरुको सङ्ख्या बढ्यो

विनिता कंडेल भदौ १८ चितवन।

 भरतपुरकी माया पाण्डेले आफ्ना दुई सन्तानलाई सामान्य प्रक्रियाबाटै जन्म दिइन् । तर, तेस्रो सन्तानलाई जन्म दिने मितिको करिब २ साता अघि जाँच गर्दा गर्भमा रहेको शिशु उल्टो बसेको जानकारी चिकित्सकले दिए । बच्चा ठुलो र उल्टो बसेकोले नर्मल डेलिभरी सम्भव नभएपछी सल्यक्रिया गर्नुपर्ने सुझाव चिकित्सकले दिए।

त्यसपछी सामान्य सुइसमेत लगाउन डराउने मायाको डरको सिमा रहेन र छाँगाबाट खसेजस्तै भइन र चन्तित बनिन्। डेलिभरीको समय नजिकियो, उनले आफु र आफ्नो सन्तानको लागि जोखिम मोल्न चाहिनन् र शल्यक्रिया मार्फत सन्तानलाई जन्म दिइन्।

यो त एक प्रतिनिधीमुलक उदाहरण मात्रै हो, यस्तैगरि हरेक नारिहरु जीवन र मृत्युलाई चुनौती दिएर सन्तान जन्माउँछन् र आमा बन्छन् । तर, पछिल्लो समय यस्तो प्रक्रिया अलिक फरक छ । परिस्थीतिबस बाध्य भएर शल्यक्रियामार्फत बच्चा जन्माउनु त स्वभाविक हो तर केहि समय मात्रै पनि प्रसव पिडा सहन नसकेर तत्कालै शल्यक्रिया गरेर बच्चा निकाल्ने क्रमसमेत बढ्दै गएको छ ।

स्वास्थ्य कार्यलय चितवनको तथ्यांकअनुसार चितवनमा गत आर्थिक वर्ष २०७९/२०८० मा भएका कुल १६ हजार ८१५ वटा डेलिभरी केसमध्ये ७ हजार १८६ जनाको सल्यक्रियाबाट सुत्केरि गराइएको छ । भने त्यस्तै ३४२ जनाको त औजारद्वारा सल्यक्रिया गरि सुत्केरी गराइएको छ। यो अबधीमा ९ हजार २८७ जना मात्रै सामान्य प्रक्रियाबाट सुत्केरी भएका छन् । यो अवधीमा २५१ शिशु र १० आमाले ज्यान गुमाएको तथ्याङ्क कार्यलयमा छ ।

 यस्तै अघिल्लो आर्थिक वर्ष २०७८/७९ मा १६ हजार एक वटा डेलिभरी केसमध्ये ९ हजार ४४४ वटा सामान्य ६ हजार २४२ वटा सल्यक्रिया, र ३१५ जनाको औजारद्वारा डेलिभरी गराईएबमे थियो । सो अबधीमा २४४ शिशु र १०आमाले ज्यान गुमाएका थिए।

 भने आ.व. ०७७/७८ मा १५ हजार ४८८ डेलिभरी केसमा ९ हजार ४१० वटा सामान्य डेलिभरी, ५ हजार ७५९ वटा सल्यक्रिया र ३१९ जनाको औजारद्वारा डेलिभरी भएको कार्यलयले देखाउँछ । सो अवधीमा ३१८शिशु र ११आमाले ज्यान गुमाएका थिए।यो तिन वर्षको तथ्यांक हेर्ने हो भने चितवनमा सामान्य डेलिभरीको संख्या घट्दै गएको देखिन्छ भने सल्यक्रियाबाट डेलिभरी हुनेको सङ्ख्या बढ्दै गरेको देखिन्छ ।

 चिकित्सकहरुका अनुसार पछिल्लो समय शल्यक्रियाद्वारा बच्चा जन्माउने क्रम अस्वाभाविक रुपमा बढ्दो देखिएको छ । कार्यलयकी सार्वजनिक स्वास्थ्य अधिकृत तथा नर्स नन्दकला चापागाईंले यसरी सल्यक्रिया गर्नेको संख्या बढ्नुमा अहिलेका महिलाहरुमा सहनसक्ने क्षमता घट्नु र सामान्य डेलिभरी भन्दा सल्यक्रियाबाट बच्चा जन्मााउन सहज मान्नु नै प्रमुख कारण छ ।

गर्भमा रहेको बच्चामा कुनै समस्या देखिए चिकित्सकहरुले नै शल्यक्रियाका लागि सिफारिस गर्छन्, जुन अनिवार्य पनि हो । तर, कतिपय अवस्थामा महिला आफैले शल्यक्रियाद्वारा बच्चा जन्माउने इच्छा प्रकट गर्ने गरेका छन् । तर विभिन्न अध्ययनअनुसार पनि शल्यक्रियामार्फत भन्दा सामान्य प्रक्रियाबाट बच्चा जन्माउनु र सुत्केरी हुनु राम्रो मानिन्छ ।

Tags:

Previous Article

पाल्पामा गुडिरहेको स्कोरपियो माथि पहिरो खसेपछि….

Next Article

एमाले लुम्बिनी प्रदेशको नेतृत्वका लागि मतदान हुँदै

What's Your Reaction?

like

dislike

love

funny

angry

sad

wow

binitakandel32
binitakandel32

Related Posts

क्यान्सर अस्पतालको आर्थिक अधिकार अध्यक्ष डा विजयराज न्यौपानेलाई

क्यान्सर अस्पतालको आर्थिक अधिकार अध्यक्ष डा विजयराज न्य...

binitakandel32 Jul 27, 2023  0  152

बालबालिका आँखा पाक्ने रोगबाट प्रभावित

बालबालिका आँखा पाक्ने रोगबाट प्रभावित

binitakandel32 Aug 2, 2023  0  89

अमेरिकामा अचानक बढयो कोरोना संक्रमित

अमेरिकामा अचानक बढयो कोरोना संक्रमित

binitakandel32 Aug 1, 2023  0  29