ताजा खबर

‘भूकम्पबाट प्रभावितमा मनोसामाजिक समस्या देखिन सक्छ’ :

binitakandel32binitakandel32
Nov 9, 2023 - 15:37
 0  25
‘भूकम्पबाट प्रभावितमा मनोसामाजिक समस्या देखिन सक्छ’ :

भेरीगङ्गा (सुर्खेत), २३ कात्तिक जाजरकोट भूकम्पबाट प्रभावितमा मनोसामाजिक समस्या देखिन सक्ने भन्दै त्यसतर्फ ध्यान दिन सुझाव दिइएको छ । विशेष गरी भूकम्पको त्रासमा रहेका महिला तथा बालबालिकामा मनोसामाजिक समस्या देखिन सक्ने भएकाले त्यसतर्फ ध्यान दिन मनोविद्ले सुझाव दिएका छन् । भूकम्प प्रभावित क्षेत्रमा नागरिक मानसिकरुपमा विक्षिप्त रहेको उल्लेख गर्दै कर्णाली प्रदेश अस्पतालमा कार्यरत मनोविद् पूर्ण रावतले सरकारले त्यहाँ मनोमरामर्शका कार्यक्रम सञ्चालन गर्नुपर्ने सुझाव दिनुभयो । भूकम्पका कारण धेरैले आफन्त गुमाएका छन् । उहाले भन्नुभयो, “अहिले पनि परकम्प जाने क्रम जारी छ, नागरिक त्रासमा छन् । यस्तोे अवस्थामा व्यक्तिमा मनोसामाजिक समस्या देखिनसक्छ । त्यसैले तीनै तहका सरकारले राहत र पुनस्थापनासँगै मानसिक स्वास्थ्यमा पनि ध्यान दिएर काम गर्नुपर्छ ।” मनोविद् रावतले भूकम्पपछि सबै निकाय राहत वितरणमा मात्रै केन्द्रित भएको उल्लेख गर्दै मानसिकरुपमा पनि पीडित समस्यामा परेकाले सरकारको ध्यान त्यसतर्फ केन्द्रित हुनुपर्नेमा जोड दिनुभयो । यसैबीच कर्णाली प्रदेश सरकारले भूकम्पपछि मनोसामाजिक समस्या निम्तिन सक्नेतर्फ ध्यान दिएर मनोविमर्शकर्ता खटाएको जनाएको छ । कर्णाली प्रदेश सामाजिक विकास मन्त्रालयले प्रभावित क्षेत्रमा चिकित्सक र मनोविमर्शकर्ता परिचालन गरेको छ । मन्त्रालयका स्वास्थ्य महाशाखा प्रमुख वृशबहादुर शाहीले मनोसामाजिक समस्याको व्यवस्थापनका लागि विभिन्न साझेदार संस्थासँग मिलेर मनोविमर्शकर्ता खटाइएको जानकारी दिनुभयो । विभिन्न महामारी फैलिन सक्नेतर्फ सचेत भएको उल्लेख गर्दै उहाँले बालबालिकामा पोषणको समस्या आउन नदिने गरी काम सुरु गरिएको बताउनुभयो । - राष्ट्रिय समाचार समिति (रासस)

Tags:

Previous Article

ट्रकको ठक्करबाट युवकको मृत्यु

Next Article

भूकम्पका कारण रु एक करोड ९० लाखका पशुपंछीको क्षति

What's Your Reaction?

like

dislike

love

funny

angry

sad

wow

binitakandel32
binitakandel32

Related Posts

दसैँका लागि अग्रिम टिकट बुकिङमा ढिलाइ

दसैँका लागि अग्रिम टिकट बुकिङमा ढिलाइ

binitakandel32 Oct 6, 2023  0  7

किसानलाई पाडापाडी हुर्काउन १६ लाख र दूधमा ३६ लाख अनुदान

किसानलाई पाडापाडी हुर्काउन १६ लाख र दूधमा ३६ लाख अनुदान

binitakandel32 Jul 31, 2023  0  11

विदेशमा रहेका नेपालीलाई राहदानी बनाउन सकस

विदेशमा रहेका नेपालीलाई राहदानी बनाउन सकस

binitakandel32 Oct 11, 2023  0  19